Aao chale sapno ki duniya

Jahan har koi khush hai

Insaan bhi, prakriti bhi aur janwar bhi

Pedo ke patte kuch jayda hi hare hain

Nadi ka paani ekdum saaf

Hawa bhi har saans me mazedaar hai

Door pahad bhi dikh rahe hain badalo ke beech

 

Bachhe maa baap se baaten kar rahe

Aur unke bachhe aangan me chupan chupai khel rahe

Chai ki chuskio se din ki shuruwat hoti hai

Aur sham dhalte dhalte unhi chuskiyo me dinke kisse jud jate hain

Kabhi kabhi dost bhi ghar ate hain,

Unke saath ludo, carom aur patankbaaji jaise shauk pure ho jate hain

Aur Sunday ko subah 6 baje se cricket toh hai hi

 

Padosi hain joh thoda saman thodi khabre lene dene aate rehte hain

Par achha hai, mann laga rehta hai isi bahane

Kabhi kabhi sab milke picnic bhi karte hain

Dadaji ko sabse jayda maza ata hai in sab me

Saare bachhe ek saath hoke kuch na kuch hurdang machete hain

Aur peeche se dada ji unko sponser karte hain

 

Tyohaaro me Sahar wale cousins ghar ajate hain

Toh Diwali holi waise hi rangeen ho jati hai

Sabse jayda khush maa rehti hai

Kuch din bachhe ko apne haath ka khana khila paayegi

Baaki jab sahar me purane dosto ki saari paltan hoti hai

toh school ke wahi purane kisse firse dohra liye jaate hain

 

Is Duniya me sabkuch achha hai

Office me koi politics nahi hai

Aap jitni mehnat karte ho utna apko mana jata hai

Logo me ego nahi hai

Kisi ko jhooth bolne ki jaroorat nahi padti

Sab sansaar ke niyamo se wakif hain

Kisi ko gussa nahi ata , ayega bhi kyon jab sab apna kaam imandari se kar rahe

Aur har koi pyar me manta hai jaise ki shahrukh hi inka bhagwan hai

 

Yahan gareebi bhi nahi hai

Na beemari, Sab koi pada likha hai

Sadke saaf hain, aur akhwaro me koi crime ki khabar bhi nahi

Police ke paas koi kaam nahi, Neta sirf vikas ki baaten karte hain

Sab apni samajik zimmedari samajte hain aur nibhate bhi hain

 

Khair ye sab toh sapna hi hai..