Socha tha likhunga kuch fursat se kahin

Lekin kambakht fursat mili hi nahi

Bhagte bhagte rukne me dar lagta hai

Jo dhadkan daud rahi hai tez, kahin ruk na jaye

Bhagna shuru kiya tha tab toh manzil ka pata tha

Ab pata nahi who manzil sahi hai bhi ya nahi

Ab nakami se darr nahi lagta

Kabiliyat pe koi shaq nahi

Bas darr hai toh is baat ka

Ki zinagi na beet jaaye gairat me kahin

Ab jab samaj aa raha hai sabkuch

Toh kisi cheez ka moh nahi

Kuch paane ki iccha nahi kuch khone ka darr nahi

Ek baar ko sahi bhi hai lekin shayad galat bhi

Jab kuch hai hi nahi pane ko toh tez kyon bhagen?

Lekin ruk nahi sakte,

Jo dhadkan daud rahi hai tez kahin ruk na jaye…