Sab sahi ho jayega

Raste saare kat jayenge

Badhayen saari tal jayengi

Bas us paar jaane ki khwahish mat chodna

Vaada hai, vishwaas hai toh raste ban jayenge

—

Pyaar bahut khoobsoorat hai

Khoobsoorat hai isliye keemati

Sabko keemat dena nahi aata

Bas keemat dene ki himmat rakhna

Raste ban jaayenge

—

Joh haath me hai woh karte chalo

Chod dene ka mann karta hai sab

Lekin pakad ke chalo. Bas kuch kadam aur

Roshni aayegi. Jab aayegi toh saari mehnat ke mayne honge

Bas himmat mat chodna

—

Sab kehte hai ki ye pagalpan hai

Pata hai. Seedhe raste lena shayad tumhe ata nahi

Sabke apne tareeke hain. Sabke apni khusi ke mayne

Adhoora nahi lagna chaiye. Darr me faisle nahi lena chaiye.

Joh dil se nikle woh rasta lo. Khushi wahin hai.

—

Galtiyan bhale hi hongi. Lekin koi shikwa nahi.

Hogi bhi toh khudse. Zamane se nahi.

Jab marne wale hon toh koi khwahish adhoori nahi hogi

Poori zindangi jee hogi

—

Kabhi kabhi lagta hai swarti hun

Saath walo ki naa sunke, apno ko dukhi karke kaise khush rahunga

Apne toh samjhane se samaj jaayen shayad. 

Lekin durso ke liye khud ki khusi maari toh mann me kadwahat hamesha rahegi

Yahi toh khel hai. Khud pe bharosa rakhna. Jab duniya na kar paaye.

—

Isliye, bas chalte raho

Sab sahi ho jayega..