Fir se bachha banna hai
Fir se zinda hona hai
College ki khumari fir se jeena hai

Kuch paiso ke liye sochna hai
Kuch bade sapne dekhne hain
Kuch dosto ke saath baantna hai

Bahut samay hai abhi life me
Fir se kehna hai

Kuch nadaniyan karni hain
Kuch pareshanian jhelni hai
Thoda befikar hona hai
Thoda bekhabar hona hai

Kuch naya mehsoos karna hai
Kuch na milne par dukhi hona hai

Pyar karna hai
Qyamat wala, harkat wala
Dil todna hai, Dil tudwana hai
Rona hai khulke
Aur gamo ko junoon me badalna hai

Dosto ke saath sharab peeni hai
Sasti wali. Nasha jayda dam kam
Mazaak udana hai logo ka
Kabhi khud ka bhi udwana hai

Nachna hai pehle dost ki shaadi me
Bedhadang behayaae se jashn manana hai
Kuch chalange maarni hai samandar me
Kabhi masti me kho jana hai

Pitaji ke paise udane hain
Udhar bhi Lena hai kabhi
Dusro se jalna hai kabhi
Dusro jaise banne ki koshish karna hai aur naakam hona hai

Ruthna hai, kabhi dost se kabhi dilbar se kabhi gharwalo se
Badla lena hai ek aisi bezaati ka joh kisi ko yaad nahi rahegi

Ladna hai apni kamyabi ke liye
Mehnat karni hai
Kabhi nirash bhi hona hai
Kabhi sab chod dena hai
Fir kuch naya pakadna hai

Saari Umar bas yahi chalta rahe kuch aisa jaado karna hai.
Aage sab jhoot hai fareb hai.
Masumiyat chali jati hai
Woh rehna zaroori hai