Ek hi zindagi hai

Farq nahi kuch sabme

Ake chale jana hai

Aur silsila chalte jana hai

 

Farq hai toh bas isme

Ki jeena kaise hai

Khush hoke ya roke

Karzdaar banke ya dil khol ke

Bhag kar ya mahsoos karke

Bheed me khokar

Ya alag pehchaan banake

 

Farq kuch nahi padega

Yaad koi nahi rakhega

Fal milega koi aisa bhi kuch nai hai

Koi hisaab nahi rakh raha ki tum kaise jiye

Upar wala sab bas dekh hi raha hai

Karna humko hai

 

Farq sirf is baat ka hai ki joh ek mauka tha

Usko jiya ki nahi

Jeene ke mayne sab tumhare hain

Koi apne liye jee raha, koi kisi aur ke liye

Toh soch lo

Kaise jeena hai

 

Saari khusiyan tumhari, gham tumhare

Karz tumhare, karzdaar tumhare

Hisab yahin hoga sab

Jaane se pehle

Ab jaana kaise hai mudda ye hai

Jeet kar ya haar kar

Jeena kaise hai

Jeet kar ya haar kar