Hum bacche hi sahi they

Kisi cheez ko chah pate the

Khul ke ro pate the khul ke has pate the

Kuch sapne dekhne paate the

Sahi aur galat me farq kar pate the

Hum bacche hi sahi they

Dost jayda apne lagte they

Sab ek jaise lagte they

Kuch marks ka fasla hota tha bas

Zindagi ki race me aage peeche nahi lagte they

Ab jab samaj jayda ane laga hai sab

Toh samaj aa raha hai ki nasamjhi me hi zindagi thi

Galtiyan karne me darr nahi lagta tha

Umra ki khumari sab karwa deti thi

Cricket bahut yaad ata hai

Kuch karte the bas kyonki woh achha lagta tha

Na ki isliye ki aap usme achhe ho ya woh karke bahut fayda hai

Shaam 5-7 jaise ki cricket na khele toh maut aa jayegi

Kaash itni diwangi ab kisi cheez ke liye aa jaye

Hum bacche hi sahi they